GL 
ES 
Rexistro de artistas locais - Pintura
Alba Casanova
Pequena mostra da súa obra:
Alba Casanova Fernández (1981), é licenciada en Belas Artes pola Universidade Politécnica de Valencia cun máster en Arte e Tecnoloxía. É ademais Técnica Superior en Artes Plásticas e Deseño coa especialidade en Escultura pola escola Mestre Mateo de Santiago de Compostela e Integradora Social.
A súa obra como artista vira ao redor de problemáticas coma o feminismo, as crises migratorias, os procesos democráticos ou a consideración social da enfermidade.
Desenvolveu o seu traballo desde diferentes disciplinas culturais en Londres, Santiago de Chile ou agora Valencia.
Como ilustradora freelance realizou traballos para a Axencia Shackleton, Abanca, Albariño Martín Códax, Closca, Dot Galicia ou Píkara Magazine, entre moitas outras.
Nos últimos anos a súa produción céntrase no audiovisual, na ilustración, na colaxe e no debuxo.
Forma parte ademais do tandem Fenómena (@somosfenomena) xunto á animadora Laura Cuello, onde ilustra pezas de animación en colaxe e motiondesign para clientes como *Àpunt Tv ou EMT Valencia.
Somos Fenómena:
Chelo Rielo
Pequena mostra da súa obra:
Artista redondelá que plasma mediante as cores dos seus óleos e acrílicos un expresionismo de pinceladas quebradas e impresionistas; xoga co cubismo, co impresionismo, baixo unha mirada azul.
«Chelo Rielo comezou e a xogar coas cores da súa nenez, ata que comprou tubos de óleo e pinceis e deulle ao seu primeiro lenzo. Para esta artista o cor-signo e símbolo identificador da súa obra- é o mais importante. Verdes, laranxas e azuis comparten protagonismo nos seus cadros transmitindo sensacións de paz e acougo. Os trazos dos seus debuxos foxen da realidade na procura dunha abstracción chea de reflexos e de luz.» Chus Roxo.
Chus Guedella
Pequena mostra da súa obra:
Jesús Guedella nace en Redondela fai 46 anos e dende fai apenas 3 anos compaxina o seu traballo en produccións audiovisuais na rama de Dirección, coa súa gran aficción: o debuxo con bolígrafo.
Con formación como delineante, traballa como soldador durante mais de 15 anos e mantén a paixón do debuxo, sempre co seu inseparable boli bic. Nos seus comezos, o sue estilo é mais caricaturesco e desinhibido, pero pouco a pouco, de forma autodidacta e influenciado polo hiperrealismo, comienza a centrar a súa obra na creación de retratos, principalmente das actrices e actores do audiovisual galego.
Faded Trópico
Pequena mostra da súa obra:
Juan Ricardo Pacheco Serpas, Faded Trópico, aterrizou a súa arte polifacética en Redondela. Músico creativo, compaxina a súa expresión melódica (ver en apartado de Música) coa producción pictórica. Gracias ós seus traballos co óleo representa un mundo onírico e colorido (con fortes influencias do surrealismo) onde mezclar símbolos das pegadas que a vida vai deixando no seu interior.
Hugo Pazos
Pequena mostra da súa obra:
Hugo Pazos é un deseñador gráfico e creador de imaxes, logos, cadros, cun deseño personal caracterizado pola limpeza das liñas, hábil xogo de cores básicas e unha forte mensaxe de denuncia social e política.
Imaxes que baten na mente a través da composición, do colorido e do xogo de inversión e ataque dos iconos aprendidos. Deste xeito, Hugo Pazos denuncia artísticamente as múltiples situacións inxustas que vivimos actualmente.
J.A. Xesteira
Pequena mostra da súa obra:
José Ángel Gesteira Pazos. (Redondela, 1946). Estudou xornalismo na Escuela Oficial de Periodismo de Madrid.
Paralelamente á súa profesión de xornalista, Xesteira mantén dende hai moitos anos unha actividade como artista plástico.
A súa primeira mostra de óleos, en 1965, compartida con Olimpio Giráldez e Manuel Seijas, foi a primeira vez que se montou en Redondela unha exposición artística ao aire libre, nos soportais do Concello; unha mostra que se repetiu 30 anos despois na Casa da Cultura cos mesmos tres artistas).
Dende aquela, e compaxinando co seu traballo xornalístico, levou a cabo un intermitente traballo como pintor e gravador, ao tempo que deseñador de carteis, participando sempre en exposicións colectivas: Taller Forum na sala Círculo y Cuadrado de Sabarís; “Gravado en Vigo” no Centro Comercial Camelias, Taller Experimental de Gráfica de Vigo, que dirixía Raimundo Orozco, na Sala Sargadelos, e 17 Experiencias de Grabado en Soutomaior, tras un curso impartido polos cubanos Choco e Matamoros, no Teatro Principal de Pontevedra. Tamén participou na I Mostra de Minigravado “Cidade de Ourense”.
É deseñador de carteis e portadas de libros. Os seus libros “Phiccións”, no que inclúe dous contos seus, e “Acompañoo no sentimento”, teñen como portada un dos seus gravados e un dos seus cadros.
Madie
Pequena mostra da súa obra:
Madie é unha Maquilladora nada en Chapela. Polifacética. Especializada en maquillaxe profesional e efectos especiais para cine, teatro e pasarela.
Cursou os seus estudos na EISV, 2016-2018.
Madie é unha artista que plasma no seu mundo creativo cheo de colores, texturas e fantasía imaxinativas cheas de influencias do mundo dos comics, videoxogos e artes fantásticas. Pero o soporte que normalmente usa fai que as súas obras sexan tan orixinais, únicas, coma efímeras: a pel.
Tamén traballa sobre papel, e paredes, como non: non hai límites para unha artista inqueda e voadora.
Marcos Míguez
Pequena mostra da súa obra:
Artista autodidacta, pintor, muralista e debuxante.
Desde pequeno mostrou inquietudes polo debuxo e a pintura decidindo fai catro anos, animado pola súa contorna, deixar o seu traballo nunha factoría de automoción para dedicarse de cheo á súa paixón.
Artista versátil que se deu a coñecer polos seus traballos hiperrealistas realizados con bolígrafo Bic pero que cultiva e manexa diversas técnicas e estilos pictóricos; acuarela, acrílico, charcoal, etc.
Marta Docampo Cabaleiro
Pequena mostra da súa obra:
Marta Docampo Cabaleiro usa as acuarelas diluindo coas cores as paisaxes figurativos ou semiabstractos, naturais e costumbristas que a rodean. Mediante o pincel debuxa con moita maestría, un mundo preciosista cheo de cores e composicións estudadas. Non son casualidade. Nos lienzos nacen obras de alto nivel pictórico, intimistas, que descobren unha maneira moi persoal de relacionarse co entorno, de vivilo gracias á auga, e ás súas técnicas coloristas.
"Sorprenderse, estar alerta, escoller un camiño, arriscarse, non desanimarse……desanimarse. E aparece unha mancha imposible, unha cor diferente, e a auga segue o seu curso.E agora toca esperar, respetar os tempos e agora actuar deprisa, e seguir…..seguir…..e confiar en que todo saldrá ben. Máxica, difícil e sorprendente acuarela, como a vida." Marta Docampo Cabaleiro
Pablo Giráldez Río O PASTOR
Pequena mostra da súa obra:
Pablo Giráldez Río, "O Pastor" é un artista gráfico e escenógrafo (ver artes escénicas) cun gran número de traballos ó seu lombo (ver o CV en + Infomación): libros, CDs, coleccións de carteis (Festival Internacional de Títeres de Redondela, Festival Redondela en Curto, Festa dos Maios,...)
A súa pegada artística, de moi alto nivel, soe mesturar o mundo máxico das cousas cotiás (obxectos que viven con nós nas cociñas, nos armarios) co mundo máxico e surrealista da súa mente artística-mente debuxada. Sempre baixo o prisma da elección premeditadas de cores simbólicas e visualmente chamativas.
Gráficamente as súas creacións son efectivas e os seus deseños capaces de equilibrar o seu estilo persoal coa efectividade comunicativa.
Os traballos do Pastor, moi diversos e distintos, son visualmente sempre recoñecibles. E iso, segundo din, é das cousas mais difíciles que se pode decir dun artista.
Paula Martínez Giráldez
Pequena mostra da súa obra:
Paula Martínez Giráldez é unha pintora de óleo sobre lenzo. Con todo usa casualmente outra técnicas, como a acuarela, o lapis, carboncillo ou o debuxo dixitalizado.
O seu traballo vira maioritariamente en torno ó mundo figurativo, cun alto número de retratos de personaxes históricos ou momentos craves da Historia do s. XX, así como de estrelas do rock. Nestes dous grandes bloques temáticos, Paula usa unha paleta de cores concreta (branco e negro nos retratos e escenas históricas e azuis nos retratos de estrelas do rock), xogando así coa psicoloxía da cor, tentando coñecer o comportamento do público ante os seus cadros.
Mais alá do mundo pictórico, Paula deixa tamén o seu sinal artístico no deseño gráfico, creando imaxes corporativas, logos e carteis de empresas.
Pilar Fernando Rey
Pequena mostra da súa obra:
Pilar Fernández Rey, titulada en Belas Artes, é monitora profesional de artes plásticas. Durante moitos anos especializada na función terapeutica que teñen as disciplinas artísticas nas enfermidades mentais, en DOA Vigo.
Hoxe en día desenrola o traballo dende o seu taller base en Cedeira, onde as súas mans traballan diversas manifestacións artísticas (ver apartado escultura). Mediante a técnica das acuarelas, do óleo e dos gravados, Pilar deixa sair a súa visión colorida, en movemento e equilibrada dun mundo sorprendentemente artístico.
Pow Powone
Pequena mostra da súa obra:
Pioneiro do grafiti na escena galega, inicia a súa andaina pintando na rúa en 1991, veterano, experto no uso do aerosol, posúe unha ampla e dilatada traxectoria ás súas costas, con múltiples intervencións e obras na súa cidade, así como no resto de cidades galegas e do resto do estado.
Autodidacta, o seu traballo mutou ao longo dos anos, actualmente, a súa obra viaxa da fotografía ao mural directamente, sen trampa nin cartón, un proceso no que sente cómodo e manéxase de maneira precisa, co spray como ferramenta esencial.
Valentina Todanés
Pequena mostra da súa obra:
Artista creativa, Valentina Todanes (Valentina Garcìa Abalo), compaxina o traballo da madeira coa expresión artística do óleo sobre lenzo (ver apartado de escultura).
Na pintura, Valentina reflexa un mundo cun alto compoñente simbólico e onírico, onde as fortes cores sinalan corpos femeninos en naturezas importantes. Xogando coas texturas (dende cores planas ata sacando rugosidades da pincelada do óleo) atopámonos cunha moi interesante proposta pictórica.
